അടിമ

african-mask-history-mask-ejima1

ദൈവമെന്ന പൂജ്യമേ,
നീയില്ലെന്നറിഞ്ഞിട്ടുമൊട്ടുമിടറാതെ,
നീയാണെന്നാരോപ്പിച്ചുറപ്പിച്ച
കല്ലിനും കുരിശിനും കുറുകെ
നീണ്ടുയര്‍ത്തുന്ന കോട്ടകളാകുന്നു
ഭൂമിയിലെ യഥാര്‍ത്ഥ തടവറകള്‍ .

ഈരേഴുലോകത്തിലുമില്ല നീ
എന്നാ സത്യംമറച്ച്‌,
നിന്നെ പ്രതിഷ്ഠിക്കുന്ന ആള്‍രൂപങ്ങളാകുന്നു
നിരപരാധിത്വം സ്ഫുരിക്കുന്ന
അടിമയാം തടവുപുള്ളികള്‍.

നീണ്ടവരിനൂണ്ടുകയറി,
സ്വസോദരനെ തള്ളിമാറ്റിയടുതെത്തി,
ആവശ്യങ്ങള്‍,
പ്രാര്‍ത്ഥനയെന്ന ആജ്ഞാപനഭീഷണിയില്‍
ഛര്‍ദ്ദിക്കുന്ന ഈ നീചമനുഷ്യരാകുന്നു
നിന്റെ അവകാശസൂക്ഷിപ്പുകാരായ ജന്മികള്‍.

*********************************

ഭക്തനെന്ന അത്യാഗ്രഹീ,
നീകൂപ്പുമീകൈകളുമുരുവിട്ടുമീ
നാമവും നീനീല്‍ക്കുമീ
ഭക്തിച്ചന്തയില്‍ മാത്രമൊതുങ്ങുന്നു.
പള്ളി-അമ്പലങ്ങളില്‍ മാടിവിളിക്കും
ശൂന്യതയിലുമിരുട്ടിലും
തേടൂ, നീയൊരു ജന്മംമുഴുവന്‍,
കണ്ടുകിട്ടാതൊരു ദൈവത്തെ.
നീ തള്ളിമാറ്റിയ സോദരനിന്‍
നിസ്സഹായതയില്‍വസിപ്പൂ ദൈവം.
നീയാകാണും തോട്ടംനനയ്ക്കും
വയസ്സനിന്‍ പുരികത്തിലുറഞ്ഞുകൂടും
വിയര്‍പ്പുത്തുള്ളികളാണ്‌ ദൈവം.
എന്തിനേറെ,
ദൈവമിരിപ്പൂ,
ഈ പൂത്തുലഞ്ഞ പാടംകൊയ്യും
കൊയ്യ്തരിവാളിന്‍ മുനയില്‍പോലും.
തിരിച്ചറിയൂ മനുഷ്യാ,
ദൈവമില്ലായിടം ഭൂമിയില്‍,
ഈ ആരാധനാലയങ്ങള്‍ മാത്രം.

*********************************

ദൈവമെന്ന നുണയേ,
അന്യന്‍ നാമജപങ്ങള്‍ ഉരുവിട്ടുതീര്‍ത്ത
ചങ്ങലയില്‍മെരുങ്ങി,
അവന്റെ കഷ്ടപ്പാടിന്റെ
ഭാണ്ഡവുമേന്തി,
ഭണ്ഡാരപിച്ചച്ചട്ടിയില്‍ വീഴും
ഭിക്ഷമാത്രം ഭോജിച്ചുകഴിയുമടിമയേ,
ഈ കവിതയുടെ മനുഷത്വം ഒരുമാത്ര പിടയ്ക്കുന്നുണ്ട്.
ധര്‍മ്മബോധം പെരുമ്പറ മുഴക്കുന്നുണ്ട്.
എങ്കിലും, ക്ലാവുപിടിച്ച സഹതാപതിന്‍
നൊമ്പരപൊട്ടായി അവസാനിച്ചുപോകുന്നു
നീയെന്‍ നിര്‍ഭയഭാവമേ.

************************************

ചതഞ്ഞരഞ്ഞ ശ്യൂന്യതയില്‍
ഇനിയും പ്രതീക്ഷയുണ്ട്.
ഒരുനാള്‍വരും നായകര്‍,
നിന്നെ മോചിപ്പിക്കാന്‍.
അനുനയതീക്ഷണതയില്‍ ഗാന്ധിയും
തീപന്തമേന്തി ചെ ഗുവേരയും.
അത്രെയുംനാള്‍, കാണേണ്ടയീ
പ്രാര്‍ത്ഥനാജല്പ്പനനാടകങ്ങള്‍.
കണ്ണുമുറുക്കിയടച്ച്‌ കാതോര്‍ക്കുക,
നാളെകേള്‍ക്കുമാ വിപ്ലവസൂക്തങ്ങള്‍ക്കായ്.

913ba30275a85425cb8cffa46dbf9e0e